Azərbaycan Turizm Bürosu (ATB) Azərbaycan Respublikasının Dövlət Turizm Agentliyinin nəzdində fəaliyyət göstərən publik hüquqi şəxsdir. Qurumun başlıca hədəfi Azərbaycanın turizm brendinin formalaşdırılması və yerli, eləcə də beynəlxalq miqyasda təbliğ edilməsi ilə ölkənin qlobal turizm bazarında rəqabət qabiliyyətinin möhkəmləndirilməsi və Azərbaycanın turizm istiqaməti kimi tanınma səviyyəsinin artırılmasıdır.

Azərbaycan Respublikası Dövlət Turizm Agentliyinin Qoruqları İdarəetmə Mərkəzi Agentliyin tabeliyində olan dövlət qoruqlarının ərazilərində yerləşən tarixi, maddi və qeyri-maddi mədəni irsə aid elementlərin, abidələrin elmi, tarixi və mədəni cəhətdən öyrənilməsinin, təbliğinin, qorunub saxlanmasının, inkişafının və onlardan məqsədyönlü istifadənin təmin edilməsi, qoruqların turizm potensialının artırılması sahəsində fəaliyyətlə məşğul olan publik hüquqi şəxsdir.